Pas gjysmë shekulli film bullgar garon për “Palmën e Artë” në Kanë

“Aventura e ëndërruar” – një rrëfim për arkeologen bullgare Veska, e cila përfshihet në krime pranë kufirit në Svilengrad – është një film i regjisores gjermane Valeska Grisebach. Ajo e përshkruan subjektin si një jehonë të viteve ’90, megjithëse ngjarjet zhvillohen në ditët e sotme. “Aventura e ëndërruar” është filmi i dytë i Grisebach i xhiruar në Bullgari, pas “Western” (2017), i cili gjithashtu u shfaq në Kanë, por në programin “Un Certain Regard” (“Një shikim i veçantë”). 

I xhiruar në fshatin Matoçina, pranë kështjellës mesjetare Bukelon dhe një varreze misterioze trakase, me aktorë bullgarë dhe në gjuhën bullgare, filmi do të garojë për “Palmën e Artë”. Për herë të fundit një film bullgar ka marrë pjesë në garën kryesore në Kanë në vitin 1972, kur u shfaq filmi “Fjala e fundit” i Binka Zheljazkova.

Festivali i madh në Rivierën Franceze hapet më 13 maj, dhe mes pretendentëve për çmimet janë regjisorë të njohur si Pedro Almodóvar, Pawel Pawlikowski, Andrey Zvyagintsev, László Nemes dhe Asghar Farhadi.

Redaktoi: Ivo Ivanov

Përgatiti në shqip: Vesella Mançeva