Gazetare e Radio Bullgarisë në dokumentar për bullgarët në Shqipëri

Kolegia e Redaksisë së Gjuhës Shqipe të Radio Bullgarisë, Kostandina Raqi Bello, është një nga personazhet kryesore në filmin e gazetarit të Televizionit Kombëtar Bullgar (BNT), Bojko Vasilev, “Kushërinjtë. Zëra nga Shqipëria”. Filmi dokumentar është pjesë e rubrikës “Në kuadër” të televizionit publik. Bojko Vasilev dhe operatori Mihail Vrabçev takohen me njerëz të ndryshëm që mishërojnë lidhjen me Bullgarinë.

Për shembull, Kostandina – gjyshja e Kostandinës sonë – gjatë gjithë jetës fliste vetëm gjuhën e saj amtare, bullgarishten, megjithëse Bullgarinë e kishte parë vetëm në moshë të rritur. Djali i saj, Raqi, u diplomua në Bllagoevgrad dhe sot studion dhe jep mësim në gjuhën bullgare dhe shqipe. Mbesa e saj gjithashtu ndjek studimet në Bullgari përkthen lajmet nga bullgarishtja në shqip dhe i lexon në Radio Bullgari.

Familja Bello është pjesë e minoritetit bullgar në Shqipëri. Të folurit e tyre ruan gjurmë të kohës së Vëllezërve të Shenjtë Kirill dhe Metodij.

• Bullgarët në Shqipëri – një fragment i historisë dhe i kulturës së lashtë bullgare

22-vjeçarja Kostandina Bello lindi në qytetin e Bllagoevgrad. Prej disa vitesh merret profesionalisht me përkthimin nga dhe në gjuhën shqipe. Është fituese e disa çmimeve për përkthimin e poezisë, dhe vepër e saj është përkthimi në shqip i romanit “Kënga e bilbilit” nga Stefan Ivanov. Kostandina ka përvojë edhe si spikere lajmesh në gjuhën bullgare në Radio Televizionin Shqiptar. Ajo aktualisht studion drejtësi në Universitetin e Sofjes “Shën Kliment Ohridski”. Nga nëntori 2022 është pjesë e Redaksisë së Gjuhës Shqipe të Radio Bullgarisë.

• Zëri i shqiptarëve nëpër botë

Premiera e filmit me pjesëmarrjen e koleges Kostandina Bello është sonte, më 28 korrik, në orën 22:00 (me orën bullgare), në Televizionin Kombëtar Bullgar.

Përpilues: Krasimir Martinov

Përgatiti në shqip: Svetllana Dimitrova