Kryeministri thërret sot një mbledhje për çmimet

Kryeministri Rumen Radev njoftoi se sot thërret në Këshillin e Ministrave një takim të zgjeruar me ministrat përkatës, organet rregullatore dhe kontrolluese mbi temën e frenimit të inflacionit galopant. Në takim janë ftuar edhe përfaqësues të sindikatave dhe organizatave të sektorëve të bujqësisë dhe ushqimit. 

“Gjendja kritike e një sërë sektorësh dhe vazhdimi i uljes së fuqisë blerëse të qytetarëve kërkon prioritete të qarta dhe veprime të menjëhershme e adekuate”, tha kryeministri dje në mbledhjen e parë të rregullt të qeverisë. Sipas tij, nevojitet një qasje gjithëpërfshirëse që të mbrojë prodhuesin bullgar, të çojë drejt zinxhirëve më të shkurtër të furnizimit, të garantojë cilësinë e ushqimeve dhe të ndihmojë qëndrueshmërinë ndaj goditjeve të jashtme.

 

Redaktoi: Miglena Ivanova

Përgatiti në shqip: Vesella Mançeva