Ministrja e Shëndetësisë Ivkova vë theksin te sigurimi i personelit shëndetësor

Profesionistët e kujdesit shëndetësor janë burimi më i çmuar në sistemin e shëndetësisë dhe ndihmësit më të rëndësishëm të pacientëve. Këtë e theksoi ministrja e shëndetësisë, Katja Ivkova, gjatë hapjes së Konferencës Kombëtare për Kujdesin Shëndetësor me pjesëmarrje ballkanike, me temë “Kujdesi shëndetësor i shekullit XXI – aspektet bashkëkohore dhe sfidat”. Ministrja deklaroi se do të vendosë një fokus të rëndësishëm te sigurimi i specialistëve të kujdesit shëndetësor dhe se do të mbështetet në dialog konstruktiv dhe propozime për zgjidhje të qëndrueshme, njofton BTA. Në fjalën e saj drejtuar profesionistëve shëndetësorë, ministrja Ivkova theksoi gjithashtu se është shumë e rëndësishme të tërhiqen kuadro të rinj, në mënyrë që pas 20–30 vitesh sistemi shëndetësor të mbështetet nga të gjitha hallkat e nevojshme.

Forumi u organizua nga Shoqata Bullgare e Profesionistëve të Kujdesit Shëndetësor (BAPZG) dhe nga kolegji rajonal i shoqatës në Sofje.

Redaktoi: Darina Grigorova

Përgatiti në shqip: Svetllana Dimitrova