Qarkullimi kufitar pa vështirësi në mes të javës

Qarkullimi në pikat kufitare dhe vendkalimet drejt të gjitha shteteve fqinje është normal, njoftojnë nga Policia Kufitare. Në pikën kufitare Ruse–Gjurgju me Rumaninë vazhdojnë punimet e riparimit në pjesën bullgare të urës mbi lumin Danub dhe lëvizja po zhvillohet në një korsi të vetme.

Nga 27 deri më 30 maj, në intervalin kohor nga ora 07:00 deri në 20:00, do të kufizohet gradualisht hyrja në korsinë emergjente mes kilometrave 218 dhe 229 të autostradës “Trakia”, në drejtim të Burgasit, njoftojnë nga Agjencia “Infrastruktura Rrugore”. Organizimi i përkohshëm i trafikut në zonën e Stara Zagorës bëhet për realizimin e matjeve gjeodezike në kuadër të riparimit të planifikuar të segmentit rrugor. Agjencia u bën thirrje drejtuesve të automjeteve të respektojnë me përpikëri sinjalistikën rrugore dhe të lëvizin me kujdes, duke mbajtur distancën e sigurisë.

Redaktoi: Ivo Ivanov

Përgatiti në shqip: Svetllana Dimitrova