Nuk ka radhë të kamionëve dhe makinave të lehta nëpër kufij

Trafiku në pikat kufitare dhe pikat e kontrollit me shtetet fqinje është normal, njofton Policia Kufitare. Në pikën kufitare Ruse–Giurgiu vazhdojnë punimet në pjesën bullgare të urës mbi lumin Danub dhe lëvizja rregullohet në një korsi. 

Një person ka humbur jetën dhe 36 janë plagosur në 32 aksidente të rëndësishme rrugore në vend gjatë 24 orëve të fundit, njofton Policia Rrugore. Që nga fillimi i muajit kanë ndodhur gjithsej 533 aksidente të rënda, ku 37 persona kanë vdekur dhe 642 janë plagosur. 

Që nga fillimi i vitit, në 2245 aksidente rrugore kanë humbur jetën 162 persona dhe 2782 janë plagosur. Krahasuar me të njëjtën periudhë të vitit 2025, numri i viktimave është rritur me 20 persona. 

Gjatë 24 orëve të fundit janë shuar 50 zjarre në vend. Me dëme materiale të drejtpërdrejta janë regjistruar 17 zjarre, njofton “Mbrojtja nga Zjarri dhe Mbrojtja e Popullsisë”.

 

Redaktoi: Ivo Ivanov

Përgatiti në shqip: Vesella Mançeva