Borxhi i ri i jashtëm është i pashmangshëm në kushtet e deficitit

Tërheqja e borxhit të ri shtetëror është e pashmangshme kur ka deficit dhe ai duhet të mbulohet. Këtë e deklaroi ish‑zëvendësministri i financave dhe tani anëtar i Këshillit Fiskal, Ljubomir Dacov, për bTV.

“Unë personalisht prisja që qeveria të kishte një plan dhe qartësi me një vizion se çfarë duhet të bëjë, e jo të flitet për transferim të fajit për procedurën e mbideficitit në buxhet. Nuk mendoj se mbideficiti vjen nga një kontabilitet i pasaktë”, komentoi Dacov.

“Ajo që supozoj se Komisioni Evropian do të thotë është se ka një ndryshim në trajektoren e buxhetit, që çon në deficite të përhershme mbi 3%. Nëse megjithatë na fusin në procedurë për mbideficit, brenda 6 muajve duhet të përgatitet një plan, së bashku me Komisionin Evropian, i cili do të përcaktojë parametrat kryesorë të drejtimit”, shpjegoi eksperti.

 

Redaktoi: Ivo Ivanov

Përgatiti në shqip: Vesella Mançeva