Parashikimi i motit për 2 qershor 2026

Të martën temperaturat minimale do të jenë nga 11 deri në 16°. Për Sofjen pritet të jenë 12°. Gjatë ditës do të zhvillohen vranësira të shoqëruara me bubullima, dhe në shumë zona do të ketë shi dhe vetëtima. Dukuritë atmosferike do të jenë më të theksuara në Ballkanin Qendror dhe në Bullgarinë Jugperëndimore. Atje ka kushte edhe për breshër. Temperaturat maksimale do të jenë 21–22° në Bullgarinë Lindore dhe deri në 27–29° në disa zona jugperëndimore. Në kryeqytet do të jetë rreth 24°. 

Në bregdetin e Detit të Zi vranësirat do të jenë kryesisht të dendura dhe në shumë vende do të ketë reshje shiu, më të përhapura pasdite në pjesën jugore të bregdetit. Do të fryjë erë mesatare nga lindja-juglindja. Temperaturat maksimale do të jenë 22–24°. Uji i detit është 19–20°. Dallgëzimi i detit do të jetë deri në 3 ballë. 

Në male do të zhvillohen vranësira dhe në Ballkanin Qendror dhe masivin Rilla–Rodope do të ketë reshje të konsiderueshme, me mundësi për breshër. Do të fryjë erë mesatare deri e fortë nga perëndimi. Temperatura maksimale në 1200 m lartësi do të jetë rreth 18°, ndërsa në 2000 m rreth 12°. 

Të mërkurën atmosfera do të mbetet e paqëndrueshme dhe moti – i ndryshueshëm. Në mëngjes në shumicën e zonave do të jetë me diell, por rreth dhe pas mesditës deri në mesnatë do të zhvillohet vranësirë. Në shumë vende do të ketë reshje të shkurtra me bubullima dhe breshër. Era jugperëndimore do të sjellë ngrohje.

 

Redaktoi: Ivo Ivanov

Përgatiti në shqip: Vesella Mançeva