Deri në fund të muajit do të mund të shkëmbehen levat në euro pa tarifa në banka

Qytetarët bullgarë mund të shkëmbejnë leva në euro falas deri më 30 qershor në zyrat e bankave tregtare dhe në degët e “Postës Bullgare” në vendbanimet ku nuk ka zyra bankare. Kursi i këmbimit është kursi zyrtar fiks – 1,95583 leva për 1 euro, pa tarifa dhe komisione. Pas kësaj date, bankat tregtare dhe “Posta Bullgare” mund të vendosin tarifa për shërbimin, kujton platforma online “Ne, konsumatorët”. 

Për shkëmbimin në banka të shumave mbi 30 000 leva kërkohet një kërkesë paraprake, e dorëzuar 3 ditë pune më herët. Në degët e “Postës Bullgare” çdo person mund të shkëmbejë deri në 1000 leva në ditë, ndërsa në disa degë – deri në 10 000 leva, me kërkesë paraprake të dorëzuar 3 deri në 5 ditë pune më herët. 

Deri në fund të vitit 2026, bankat tregtare dhe “Posta Bullgare” nuk kanë të drejtë të refuzojnë shërbimin, me përjashtim të rasteve kur posta nuk ka mjete të mjaftueshme në dispozicion. Banka Kombëtare Bullgare do të vazhdojë ta kryejë shkëmbimin falas dhe pa komisione, pa afat.

Redaktoi: Ivo Ivanov

Përgatiti në shqip: Vesella Mançeva