Sarëbujukov është bullgari i parë me fitore në Ligën e Diamantit në atletikë

Atleti numër një i Bullgarisë, Bozhidar Sarëbujukov, fitoi vendin e parë në kërcim së gjati në garën e Ligës së Diamantit në atletikë, e zhvilluar në kryeqytetin italian, Romë. Kampioni evropian në kërcim së gjati në sallë arriti rezultatin 8.26 metra me një tentativë të jashtëzakonshme të fundit, pasi deri në provën e tij të fundit ndodhej në vendin e tretë.

Për të, kjo është fitorja e parë në karrierë në garat më të forta komerciale të atletikës botërore, si dhe fitorja e parë për Bullgarinë në garat për meshkuj në historinë e Ligës së Diamantit. Deri tani, vendin e parë e kishte arritur vetëm Iveta Llallova-Kolio në sprintin për femra.

 

Redaktoi: Ivo Ivanov

Përgatiti në shqip: Svetllana Dimitrova