Rumen Radev: Zgjerimi i BE‑së duhet të bëhet për shkak të meritave vetjake

Në samitin “Bashkimi Evropian – Ballkani Perëndimor” në Mal të Zi, kryeministri Rumen Radev konfirmoi pozicionin e Bullgarisë se procesi i zgjerimit duhet të bazohet sipas parimit të meritave vetjake të çdo shteti kandidat. 

“Kjo nënkupton reforma të thella në drejtësi, sundimin e ligjit, të drejtat e njeriut dhe ndërtimin e marrëdhënieve të fqinjësisë së mirë”, deklaroi Rumen Radev. Ai theksoi se vendi ynë nuk do të lejojë komprometimin e kritereve të Kopenhagës për anëtarësim për shkak të situatës së ndërlikuar gjeopolitike, sepse nëse problemet zbuten tani në mënyrë artificiale, ato do të shfaqen pas disa vitesh brenda familjes evropiane. 

Rumen Radev shtoi gjithashtu se Bullgaria ka qenë gjithmonë një motor kryesor i procesit të zgjerimit dhe integrimit të Ballkanit Perëndimor, pasi kjo është një investim në siguri dhe kontribuon në zgjerimin e hapësirës së përbashkët evropiane të stabilitetit dhe prosperitetit.

 

Redaktoi: Diana Cankova

Përgatiti në shqip: Vesella Mançeva