Turne nga kalendari botëror i volejbollit të plazhit në Sveti Vllas

Resorti bregdetar Sveti Vllas pret 170 sportistë nga e gjithë bota, të cilët do të garojnë për trofetë në një nga turnet më atraktivë të kalendarit ndërkombëtar – Beach Pro Tour. 

Gara e volejbollit të plazhit zhvillohet në fushat e Venid Beach, të vendosura menjëherë pranë portit të jahtit. Pjesa kryesore e garës – pas kualifikimeve për hyrje në turne – nis sot, 6 qershor, dhe në betejë do të përfshihen edhe dyshet kryesuese bullgare. Tek meshkujt vendi ynë do të përfaqësohet nga tetë çifte, ndërsa tek femrat – nga pesë. 

Priten ditë të mbushura me shkëmbime spektakolare, duele të forta dhe konkurrencë të fuqishme ndërkombëtare, të cilat sërish do ta shndërrojnë Sveti Vllasin në një nga skenat botërore të volejbollit të plazhit, premtojnë organizatorët.

 

Redaktoi: Diana Cankova

Përgatiti në shqip: Vesella Mançeva