Rumen Radev drejtuar MPB‑së: Pres masa drakoniane në rrugë

Bullgaria është ndër vendet e para në Bashkimin Evropian për traumatizëm dhe vdekshmëri në rrugë. Këtë e tha Kryeministri Rumen Radev në një takim me institucionet përgjegjëse për marrjen e masave për rritjen e sigurisë rrugore. Ai kërkoi që MPB të ndërmarrë masa drakoniane kundër sjelljeve huligane në trafik.

Takimi zhvillohet në kontekstin e aksidentit të rëndë me dy makina dhe një autobus të transportit urban në Sofje më 5 qershor, ku humbën jetën 4 persona, dy prej tyre – shtetas të Indisë, dhe 16 u plagosën, kujton BNR Horizont.

“Prej vitesh bëhen përpjekje për të ulur traumatizmin rrugor, por deri tani këto përpjekje nuk shënojnë përparim të dukshëm", komentoi Radev. Sipas tij, arsyet janë të shumta – gjendja e rrugëve, mënyra e trajnimit, marrja e patentës, puna e bashkive dhe organeve të kontrollit, edukimi dhe disiplina në trafik. Ai premtoi se institucionet do të koordinojnë përpjekjet për një punë më efektive në përballimin e problemit.”

 

Redaktoi: Miglena Ivanova

Përgatiti në shqip: Vesella Mançeva