Nxënës bullgarë janë vlerësuar në një konkurs hapësinor në SHBA

Një ekip nxënësish nga Bullgaria fitoi vende të çmuara në një konkurs botëror, të organizuar nga Shoqata Kombëtare Hapësinore në SHBA, njoftuan nga Gjimnazi i Parë i Gjuhës Angleze (AEG) në Sofje.

Ekipi prej 12 nxënësish nga AEG dhe Shkolla e Mesme Nr. 133 këtë vit fitoi vendin e dytë në garën prestigjioze ndërkombëtare Live in a Healthy Space Design Competition, e organizuar nga Shoqata Kombëtare Hapësinore (National Space Society). Ndërkohë, në vitin 2026 pjesëmarrësit janë dyfishuar krahasuar me vitin e kaluar, pasi këtë herë morën pjesë 2627 projekte, me 14 636 nxënës nga 12 vende. Në vitin 2025, ekipi i Bullgarisë fitoi vendin e parë në të njëjtin konkurs me projektin Galanthus.

Këtë vit konkursi, i zhvilluar në McLean, Virginia nga 4 deri më 7 qershor, kërkonte krijimin e një koncepti për një mision bujqësor për rritjen e bimëve në kushte hapësinore. Në krijimin e projektit Flor Astra (latinisht “Lule të yjeve”) ishte e ndaluar përdorimi i inteligjencës artificiale.

 

Redaktoi: Ivo Ivanov

Përgatiti në shqip: Vesella Mançeva