Forcohen kontrollet kufitare për importin e qumështit dhe produkteve të tij

Nga data 10 qershor, Agjencia Bullgare për Sigurinë Ushqimore vendos monitorim të shtuar në pikat kufitare për çdo ngarkesë me qumësht të papërpunuar me origjinë nga BE‑ja dhe vendet e treta, njoftoi agjencia. Monitorim i shtuar do të kryhet edhe për çdo ngarkesë me koncentrat qumështi me origjinë nga BE‑ja dhe vendet e treta. Deri në marrjen e rezultateve, mjetet transportuese me ngarkesat do të presin në kufi.

Masa vendoset për të garantuar produkte të qumështit cilësore dhe të sigurta. Vendimi është marrë pas analizës së rezultateve nga kontrolli i shtuar gjatë majit. Sipas agjencisë, 24% e mostrave të analizuara kanë treguar mospërputhje.

 

Redaktoi: Ivo Ivanov

Përgatiti në shqip: Vesella Mançeva