Studentë nga 125 shtete studiojnë në Bullgari

17 889 janë studentët e huaj që studiojnë në universitetet shtetërore dhe private në vend gjatë vitit akademik. Prej tyre, 7034 janë nga 26 vende të BE-së dhe 10 855 janë nga 99 vende jashtë BE-së – ose gjithsej nga 125 shtete të ndryshme, njoftuan nga Ministria e Arsimit dhe Shkencës. Studentët e huaj janë 894 më shumë krahasuar me vitin e kaluar, që përbën një rritje prej mbi 5%. Krahasuar me vitin akademik 2017–2018, rritja është 24%, kur ata kanë qenë 14 411 studentë. 

Të huajt studiojnë në një gamë të gjerë specialitetesh në pothuajse të gjitha fushat profesionale. Ndër më të preferuarat janë specialitetet mjekësore. 7861 studentë ndjekin “Mjekësi”, ndërsa 1694 – “Stomatologji”.

Në bazë të Vendimit Nr. 103 të vitit 1993, sigurohen deri në 2000 vende në universitetet shtetërore për persona me kombësi bullgare ose me origjinë bullgare, si dhe deri në 40 vende për doktorantë.

 

Redaktoi: Ivo Ivanov

Përgatiti në shqip: Vesella Mançeva