Komisioni buxhetor miraton borxh të ri për krizën e likuiditetit

Komisioni parlamentar buxhetor miratoi në lexim të dytë një kufi për marrjen e një borxhi të ri shtetëror deri në 3.8 miliardë euro. Masa shkaktoi debate të forta, ndërsa deputetët nga PP-DB dhe “Vëzrazhdane” kërkuan llogaritje të detajuara me shkrim. Zëvendësministrja e financave, Ljudmila Petkova, paralajmëroi se situata në muajt gusht dhe shtator është kritike dhe se pa këto mjete shteti nuk mund të garantojë pagesat e rregullta, përveç pensioneve dhe ndihmave sociale.

Si përpjekje për kompromis, Asen Vasilev propozoi që tavani të ulet në 2.1 miliardë euro, shumë e llogaritur sipas nevojave të deklaruara verbalisht për korrikun dhe gushtin. Vendimi pritet të votohet përfundimisht në seancën plenare të parlamentit.

Redaktoi: Darina Grigorova

Përgatiti në shqip: Svetllana Dimitrova