Bullgaria është e shtata në BE për uljen e emetimeve të dëmshme

Evropa po merr frymë më pastër dhe Bullgaria renditet mes vendeve me përparimin më të madh në tranzicionin e gjelbër. Të dhënat më të fundit të Eurostatit tregojnë se në vitin 2025 ekonomia dhe familjet në Bashkimin Evropian kanë ulur emetimet e gazeve serrë me 17.2% krahasuar me vitin 2015, duke arritur në 3.3 miliardë tonë dioksid karboni.

Në këtë sfond, Bullgaria shënon një ulje mbresëlënëse prej 21.9%, duke u renditur në vendin e shtatë në BE për përparimin e saj mjedisor.

Ndërsa emetimet në BE kanë rënë, ekonomia ka vazhduar të rritet. Prodhimi i Brendshëm Bruto (PBB) i bllokut është rritur me 17.5%. Sektori i energjisë ka qenë faktori kryesor i këtij ndryshimi, me një ulje prej 45.3% të ndotjes. Në anën tjetër, sektorët e ndërtimit dhe transportit kanë shënuar një rritje të lehtë të emetimeve të gazeve të dëmshme.

Redaktoi: Darina Grigorova

Përgatiti në shqip: Svetllana Dimitrova