Kalimi i automjeteve të lehta drejt Bullgarisë në “Kallotina” është i ngarkuar

Trafiku është intensiv në pikën kryesore kufitare me Serbinë, “Kallotina”, për automjetet e lehta që hyjnë në Bullgari. Lëvizja është normale në të gjitha pikat dhe kalimet e tjera kufitare me Turqinë, Greqinë, Maqedoninë e Veriut dhe Rumaninë, njofton Policia Kufitare. 

Në kalimin “Ruse – Giurgiu”, deri në fund të qershorit po kryhet një remont i madh në pjesën bullgare të urës mbi lumin Danub dhe kalimi devijohet në një korsi. 

Riparimet që po kryhen aktualisht në autostradat “Trakia” dhe “Hemus” do të përfundojnë deri në fund të qershorit dhe udhëtimi drejt Detit të Zi gjatë verës do të jetë më i sigurt, më i rehatshëm dhe më i qetë. Këtë e premtoi inxhinier Aleksandër Todorov, kryetar i Këshillit Drejtues të Agjencisë “Infrastruktura Rrugore”, në një takim pune me sektorin turistik.

 

Redaktoi: Ivo Ivanov

Përgatiti në shqip: Vesella Mançeva