4 medalje fitoi ekipi bullgar në Olimpiadën Evropiane të Fizikës

Një paraqitje tjetër e shkëlqyer nga gjimnazistët më të mirë bullgarë në fizikë. Përfaqësuesit tanë fituan 4 medalje në Olimpiadën Evropiane të Fizikës (EuPhO), e cila u zhvillua në Suedi nga 12 deri më 16 qershor 2026. 

Ata u përballën me konkurrencën e fortë të mbi 200 pjesëmarrësve nga 41 shtete. Nxënësit bullgarë arritën të fitojnë 2 medalje ari, 2 medalje argjendi dhe një certifikatë nderi, njofton Shoqata e Ekipeve Olimpike të Shkencave Natyrore.

Medaljet e arta për Bullgarinë i fituan Svetosllav Arabov, klasa e 10‑të nga Varna, dhe Jordan Petkov, klasa e 10‑të nga Sofja. Medalistë të argjendtë janë Aleksandër Nikollov, klasa e 12‑të nga Sofja, dhe Mirosllav Draganov, klasa e 10‑të nga Burgasi. Certifikatën e nderit e fitoi Atanas Goçev, klasa e 12‑të, nga Sofja. Udhëheqësit e tyre janë doc. dr. Neno Todorov dhe Georgi Aleksandrov nga Fakulteti i Fizikës i Universitetit të Sofjes, transmeton BTA.

 

Redaktoi: Ivo Ivanov

Përgatiti në shqip: Vesella Mançeva