Bullgaria kundërshton sanksionet e BE‑së ndaj Patriarkut të Moskës Kirill

Bullgaria ka sinjalizuar se kundërshton një pjesë të paketës së 21‑të të sanksioneve kundër Rusisë, raporton “Politico”, duke cituar dy diplomatë. Paketa u propozua nga Komisioni Evropian më 9 qershor. Pritet të miratohet deri në fund të korrikut, transmeton korrespondentja e BNR në Bruksel, Angelina Piskova.

Sipas portalit EU Observer, Komisioni ka propozuar që Patriarku rus Kirill të përfshihet në listën e sanksioneve. Si arsye përmendet mbështetja e tij për luftën në Ukrainë. Ditët e fundit, media në Bullgari raportuan se vendi do të përpiqet të mbrojë udhëheqësin shpirtëror rus.

Nga të gjithë mitropolitët bullgarë, vetëm Naumi i Ruses doli me një qëndrim zyrtar të titulluar “Pjesëmarrje lutjeje”. Në të ai i bashkohet Patriarkut Ekumenik Bartolomeu, i cili dënoi sulmin ndaj Lavrës së Kiev-Peçerskut në kryeqytetin ukrainas.

 

Redaktoi: Ivo Ivanov

Përgatiti në shqip: Vesella Mançeva