Parashikimi i motit për 18 qershor 2026

Të enjten temperaturat minimale do të jenë nga 13 deri në 17°. Për Sofjen pritet të jetë 14°. Gjatë ditës, para mesditës, moti do të jetë kryesisht me diell. Në orët e mëngjesit, në disa zona, kryesisht në ultësirat e Bullgarisë Jugore, dukshmëria do të jetë e reduktuar për pak kohë. Pasdite dhe deri në mesnatë do të zhvillohet vranësirë. Në disa vende, kryesisht në zonat malore dhe në Bullgarinë Lindore, do të ketë reshje dhe stuhi me vetëtima. Ka kushte për breshër. Do të fryjë erë e dobët deri mesatare nga veriu–verilindja. Temperaturat maksimale do të jenë nga 26 deri në 31°. Në kryeqytet rreth 26°.

Në bregdet, para mesditës moti do të jetë kryesisht me diell. Pasdite do të zhvillohet vranësirë dhe në disa vende do të ketë reshje të shkurtra me vetëtima. Do të fryjë erë e dobët deri mesatare verilindore. Temperaturat maksimale do të jenë nga 21 deri në 25°. Uji i detit është 19–22° në veri dhe deri në 22° në jug. Dallgëzimi i detit do të jetë 1–2 ballë.

Në male, para mesditës do të mbizotërojë mot me diell. Pasdite do të zhvillohet vranësirë dhe në disa vende do të ketë reshje të shkurtra me vetëtima. Do të fryjë erë mesatare nga veriu. Temperatura maksimale në 1200 m lartësi do të jetë rreth 20°, ndërsa në 2000 m rreth 12°.

Të premten masa ajrore mbetet e paqëndrueshme. Moti nuk do të ketë ndryshime të ndjeshme në temperatura. Priten reshje pasdite në Bullgarinë Perëndimore. Era gradualisht do të orientohet nga verilindja.

 

Redaktoi: Ivo Ivanov

Përgatiti në shqip: Vesella Mançeva