Yje nga dy breza me projektin e tyre të parë të përbashkët – “Lluna”

Dy artistë, secili emblematik për brezin e vet – MONA dhe Ljubo Kirov – regjistruan për herë të parë një këngë së bashku. Ajo quhet “Lluna” (“Hëna”) dhe është një rrëfim muzikor emocional për zërin e brendshëm, intuitën dhe guximin për të ndjekur ëndrrat. Kënga bashkon dy botë artistike të ndryshme, të cilat plotësohen në mënyrë mbresëlënëse dhe krijojnë një nga duetet më interesante të vitit.

“Gjithmonë e kam respektuar krijimtarinë e Ljubo Kirovit dhe as në ëndrrat e mia më të guximshme nuk e kam imagjinuar se do të punonim bashkë. Ky duet ishte një sfidë e madhe, por edhe një nder i madh. Jam e lumtur që Ljubo më besoi dhe më tregoi çfarë do të thotë profesionalizëm të vërtetë dhe përkushtim ndaj muzikës”, ndan MONA.

Me “Lluna”, Mona edhe një herë demonstron stilin e saj autorial, duke shkruar muzikën dhe tekstin e këngës, ndërsa orkestrimi i është besuar Denis Popstoev, i cili i jep projektit tingullin e tij modern.

“‘Lluna’ është një projekt i paçmuar që na bashkoi si artistë nga breza të ndryshëm, të bashkuar nga dashuria për muzikën bullgare. Motivet pop dhe etno në këtë këngë u ndërthurën në mënyrën më të suksesshme deri tani. Talenti i Monës është i pafund dhe e falënderoj për ftesën të jem pjesë e këtij përjetimi. Mendoj se ‘Lluna’ është një kompozim i nivelit shumë të lartë, i krijuar me një ekuilibër perfekt mes stileve dhe që tërheq menjëherë vëmendjen e kujtdo që e dëgjon për herë të parë”, shton Ljubo Kirov.

Redaktoi: Diljana Traçeva

Përgatiti në shqip: Vesella Mançeva