Zv/kryeministri Pekanov kundërshton ngushtimin e menjëhershëm të deficitit

Qëllimi im është që të kemi mbi 90% të fondeve të marra nga Plani i Rimëkëmbjes dhe Qëndrueshmërisë (PRQ), theksoi për BNT zëvendëskryeministri Atanas Pekanov.

Por sipas tij, shumë ministri duhet të përmbushin projektet e tyre investuese. “Për pagesën e pestë kemi 56 etapa dhe objektiva që duhet t’i raportojmë; aktualisht nuk kemi raportuar asnjë si të përfunduar dhe kemi 50 ditë”, paralajmëroi Pekanov.

Ai e cilësoi si një ide jashtëzakonisht të keqe që brenda gjysmë viti ose një viti deficiti buxhetor të ulet nga 4.5–5% në më pak se 3%.

“Kjo do të ishte një tkurrje e jashtëzakonshme e ekonomisë, një mbytje e madhe dhe më besoni, do të ishte e keqe për të gjithë ne, për qytetarët, për biznesin gjithashtu, nëse papritur konsumi ulet kaq shumë. Prandaj hapat atje do të jenë të butë”, theksoi Pekanov dhe pranoi se do të ketë nevojë për optimizim në sektorin shtetëror.

 

Redaktoi: Ivo Ivanov

Përgatiti në shqip: Vesella Mançeva