Parashikimi i motit për 23 qershor 2026

Të martën temperaturat minimale do të jenë nga 15 deri në 20°. Për Sofjen pritet të jetë 15°. Gjatë ditës moti do të jetë kryesisht me diell. Pasdite mbi gjysmën perëndimore të vendit, ndërsa në rajonet veriperëndimore – që nga mëngjesi, do të zhvillohet vranësirë dhe në shumë zona do të ketë shira të shkurtër, herë‑herë intensivë, të shoqëruar me bubullima. Ka kushte edhe për breshër. Era do të jetë e dobët – në Bullgarinë Perëndimore nga perëndimi‑veriperëndimi, ndërsa në Lindje kryesisht nga lindja. Temperaturat maksimale do të jenë nga 28 deri në 33°. Në kryeqytet rreth 29°. 

Në bregdet moti do të jetë me diell. Do të fryjë erë e dobët, pasdite deri mesatare nga lindja‑juglindja. Temperaturat maksimale do të jenë nga 25 deri në 28°. Uji i detit është 21–23° në bregdetin jugor. Dallgëzimi i detit do të jetë 2 ballë.

Në male, mbi masivet lindore moti do të jetë kryesisht me diell. Në gjysmën perëndimore të vendit do të zhvillohet vranësirë me reshje dhe në shumë zona do të ketë shira të shkurtër, herë‑herë intensivë, të shoqëruar me bubullima. Ka kushte edhe për breshër. Do të fryjë erë e dobët deri mesatare, kryesisht nga veriperëndimi. Temperatura maksimale në 1200 m do të jetë rreth 23°, ndërsa në 2000 m rreth 15°.

Të mërkurën mbi gjysmën perëndimore të vendit, më vonë edhe në rajonet verilindore, do të zhvillohet vranësirë e dendur dhe në shumë zona do të ketë shira të shkurtër, herë‑herë intensivë, me bubullima. Priten edhe breshër. Në Bullgarinë Juglindore do të mbizotërojë mot me diell. Do të fryjë erë e dobët nga drejtimi verior. Do të depërtojë ajër pak më i freskët dhe temperaturat maksimale do të jenë mes 25 dhe 30°. Të enjten paradite moti do të jetë me diell, ndërsa rreth dhe pasdite do të zhvillohet vranësirë dhe në disa zona do të ketë reshje të shkurtra, janë të mundshme edhe bubullima.

 

Redaktoi: Ivo Ivanov

Përgatiti në shqip: Vesella Mançeva