Pranë Lloveçit sërish do të montohen makina elektrike kineze për tregun e BE‑së

Bullgaria po rinis prodhimin e automjeteve dhe do të shndërrohet në prodhuesin e vetëm për Evropën të modelit të ri GWM Ora 5. Makina do të prodhohet në fshatin Bahovica, pranë Lloveçit, ku më parë kompania kineze Great Wall montonte modelet Steed dhe Haval H6. 

Plani i GWM (Great Wall Motors, siç quhet tashmë kompania) është të ofrojë Ora 5 me disa variante karoserie: hatchback, SUV dhe karavan. Sipas faqes së specializuar automedia.investor.bg, fillimi i prodhimit të automjeteve elektrike – i ashtuquajturi SOP (Start of Production) – do të jetë në nëntor 2026. 

Në Bahovica do të prodhohet vetëm versioni elektrik i modelit për shkak të tarifave të reja të BE‑së. Në një fazë të mëvonshme është e mundur të zgjerohet prodhimi edhe me modelet hibride dhe ato me motor benzine.

 

Redaktoi: Ivo Ivanov

Përgatiti në shqip: Vesella Mançeva