Parashikimi i motit për 24 qershor 2026

Të mërkurën temperaturat minimale do të jenë nga 14 deri në 20°. Në Sofje pritet të jetë 16°. Gjatë ditës sërish do të aktivizohen reshjet dhe në shumë zona të Bullgarisë Perëndimore dhe Qendrore, si edhe në rajonet verilindore, do të ketë reshje të shkurtra, por intensive, të shoqëruara me stuhi me vetëtima. Priten edhe breshër. Në bregdetin e Detit të Zi dhe në pjesën lindore të Bullgarisë Jugore do të jetë kryesisht me diell. Gjatë ditës do të fryjë erë e lehtë nga lindja. Temperaturat maksimale do të jenë nga 27 deri në 32°. Në kryeqytet rreth 26°. 

Në bregdet do të jetë me diell. Do të fryjë freski detare. Temperaturat maksimale do të jenë nga 27 deri në 30°. Uji i detit është 23–24°. Dallgëzimi i detit do të jetë 1–2 ballë. 

Në male, mbi masivet perëndimore dhe qendrore, do të zhvillohet vranësirë dhe në shumë vende do të ketë reshje të shkurtra me stuhi. Do të fryjë erë e lehtë deri mesatare nga verilindja. Temperatura maksimale në 1200 m lartësi do të jetë rreth 21°, ndërsa në 2000 m rreth 14°. 

Të enjten paradite do të jetë me diell, ndërsa rreth dhe pas mesditës do të zhvillohet vranësirë e dendur dhe në disa zona do të ketë reshje të shkurtra, kryesisht në male, të shoqëruara me vetëtima. Në pjesën perëndimore të vendit era do të jetë e lehtë, ndërsa në lindje e lehtë deri mesatare nga verilindja. Temperaturat do të mbeten pa ndryshime të mëdha.

 

Redaktoi: Ivo Ivanov

Përgatiti në shqip: Vesella Mançeva