Kalimi i automjeteve nëpër kufijtë bullgarë është i pandërprerë

Trafiku është normal në të gjitha pikat dhe vendkalimet kufitare në vend në mëngjesin e 24 qershorit, njoftoi Policia Kufitare. Në vendkalimin kufitar Ruse – Giurgiu me Rumaninë po përfundon riparimi i madh i urës mbi lumin Danub dhe deri në fund të muajit kalimi vazhdon të rregullohet në një korsi në pjesën bullgare të objektit. 

Gjatë 24 orëve të fundit në vend kanë ndodhur 32 aksidente të rëndësishme rrugore, në të cilat ka humbur jetën një person dhe 43 të tjerë janë plagosur, njoftoi Policia Rrugore. Ka ndërruar jetë edhe një tjetër shofer i plagosur rëndë nga një aksident më 22 qershor. Që nga fillimi i muajit kanë ndodhur 540 aksidente të rënda me 34 të vdekur dhe 687 të plagosur. Që nga fillimi i vitit, në rrugë kanë humbur jetën 205 persona, që është me 29 më shumë krahasuar me të njëjtën periudhë të vitit 2025.

 

Redaktoi: Ivo Ivanov

Përgatiti në shqip: Vesella Mançeva