5,7% është deficiti buxhetor i synuar për vitin 2026

Ministri i Financave, Gëllëb Donev, prezantoi sot parametrat kryesorë të plan‑buxhetit të shtetit për vitin 2026. Deficiti buxhetor i synuar për këtë vit është 5,7%, njoftoi ai. Kjo përfaqëson pak mbi 7,2 miliardë euro deficit, raportoi gazetarja Marta Mlladenova. Në lidhje me këtë, do të jetë e nevojshme të merret borxh i ri, përveç 3,8 miliardë eurove tashmë të miratuara. 

Parashikohet rritja e të ardhurave maksimale të sigurimeve shoqërore nga 1 gushti 2026 në 2300 euro, nga e cila priten pak mbi 90 milionë euro të ardhura shtesë. Nga 1 gushti parashikohet gjithashtu rritje me 30% e tarifave të vinjetave dhe zgjerim i sistemit TOLL. 

Nëpunësit shtetërorë do të fillojnë të paguajnë kontributet e sigurimeve në raportin 80 me 20% nga 1 gushti i këtij viti, ndërsa nga fillimi i vitit 2027 ato do të barazohen me kontributet e punonjësve të tjerë – 60 me 40%.

 

Redaktoi: Miglena Ivanova

Përgatiti në shqip: Vesella Mançeva