Karlos Nasar: Bullgaria është e bukur dhe meriton të shihet

Kampioni olimpik, botëror dhe evropian në ngritjen e peshave, Karlos Nasar, pranoi ftesën e ministrit të Turizmit, Ilin Dimitrov, për t’iu bashkuar fushatës për promovimin e Bullgarisë në arenën ndërkombëtare. Së bashku me fituesen e Eurovision 2026, DARA, ai është fytyra e radhës e njohur bullgare që i bashkohet kësaj nisme, e cila synon ta promovojë vendin përmes bullgarëve të suksesshëm dhe frymëzues, si ambasadorë të vullnetit të mirë të turizmit bullgar.

Ministri Dimitrov i dhuroi Karlos Nasarit një statujë me trëndafilin bullgar, e cila do të jetë pjesë e mesazhit drejtuar publikut ndërkombëtar. “Le ta njohë bota vendin tonë jo vetëm si një destinacion të bukur, por edhe si një shtet me histori, shpirt dhe personalitete që tregojnë historinë e tij”, tha Dimitrov.

“Vendi ynë është i dashur për të gjithë ne që e mbajmë në zemër. Ai është i bukur dhe meriton të shihet nga më shumë njerëz në mbarë botën”, u shpreh me bindje Nasar.

Redaktoi: Miglena Ivanova

Përgatiti në shqip: Kostandina Bello