Buxheti për vitin 2026 nuk përfshin politikat e kabinetit

Projektbuxheti i shtetit për vitin 2026 nuk përfshin politikat e kabinetit të Rumen Radevit, por u hartua mbi bazën e parimeve të tij për realizëm, llogaridhënie dhe stabilizimin e financave publike. Këtë e deklaroi zëvendëskryeministri dhe ministër i financave, Gëllëb Donev, në fillim të mbledhjes së Këshillit Kombëtar për Bashkëpunim Trepalësh.

Buxheti u parashikua me një deficit prej 5,7% të Prodhimit të Brendshëm Bruto (PBB), ose rreth 7,2 miliardë euro. Sipas parashikimit afatmesëm buxhetor, ai duhet të ulet në 3% të PBB-së deri në vitin 2028, në përputhje me kriteret e Mastrihtit. Në të njëjtën kohë, borxhi publik pritet të rritet nga 30,1% e PBB-së këtë vit në mbi 35% deri në vitin 2028, njoftoi gazetarja Marta Mlladenova.

Gjatë diskutimeve në Këshillin Kombëtar për Bashkëpunim Trepalësh, përpara godinës së Këshillit të Ministrave u mblodhën në protestë punonjës të administratës shtetërore nga institucione të ndryshme, në shenjë mospajtimi me kufizimet e planifikuara në buxhetin e shtetit dhe me mungesën e një rritjeje të parashikuar të pagave.

Redaktoi: Miglena Ivanova

Përgatiti në shqip: Svetllana Dimitrova