Orkestra ushtarake nga SHBA dhe Bullgaria me koncert në qytetin e Plovdivit

Teatri Antik në qytetin e vjetër të Plovdivit do të presë koncertin festiv “250 vjet SHBA”, i dedikuar 250-vjetorit të ardhshëm të shpalljes së pavarësisë së Shteteve të Bashkuara. Aktiviteti do të mbahet më 2 korrik, në orën 19:00, dhe hyrja do të jetë falas. Organizator është Ambasada e SHBA-së në Bullgari, njofton në faqen e saj Bashkia e Plovdivit.

Në program do të marrin pjesë grupi amerikan “The Diplomats” nga Orkestra e Forcave Detare të SHBA-së në Evropë, i njohur për energjinë e lartë dhe profesionalizmin e tij, “129th Army Band” i Gardës Kombëtare të shtetit Tenesi, si dhe Orkestra Frymore Përfaqësuese e Forcave Ajrore të Bullgarisë. Publiku do të dëgjojë ekzekutime të xhazit, rock-ut klasik, bluzit dhe popit.

Redaktoi: Miglena Ivanova

Përgatiti në shqip: Svetllana Dimitrova