Parashikimi i motit për 2 korrikun 2026

Të enjten, temperaturat minimale do të lëvizin nga 17 deri në 21°C, ndërsa në Sofje priten rreth 17°C. Paradite moti do të jetë kryesisht me diell. Në orët e para të mëngjesit, në disa zona fushore do të ketë përkohësisht vranësira të ulëta. Rreth mesditës dhe pasdite do të zhvillohen vranësira të dendura, të shoqëruara me reshje shiu dhe stuhi me bubullima në shumë pjesë të vendit. Në disa zona reshjet do të jenë të dendura dhe të konsiderueshme, me mundësi për breshër. Era do të fryjë e lehtë deri mesatare nga veriperëndimi, duke sjellë ajër disi më të freskët. Temperaturat maksimale do të bien dhe do të lëvizin nga 28 deri në 33°C, ndërsa në Sofje priten rreth 28°C.

Në bregdetin e Detit të Zi moti do të jetë kryesisht me diell. Pasdite do të ketë zhvillim të vranësirave dhe në disa zona priten reshje të shkurtra shiu dhe stuhi. Era do të fryjë e lehtë deri mesatare nga juglindja. Temperaturat maksimale do të jenë nga 28 deri në 30°C. Temperatura e ujit të detit do të jetë 26–27°C, ndërsa dallgëzimi pritet të jetë 2 deri në 3 ballë.

Në zonat malore, rreth mesditës dhe pasdite do të zhvillohen vranësira të dendura, të shoqëruara me reshje të shkurtra shiu dhe stuhi me bubullima në shumë rajone. Në disa zona reshjet do të jenë përkohësisht intensive dhe me sasi të konsiderueshme. Era do të fryjë e lehtë deri mesatare nga perëndim-veriperëndimi. Temperatura maksimale në 1 200 metra mbi nivelin e detit do të jetë rreth 22°C, ndërsa në 2 000 metra rreth 14°C.

Të premten do të vazhdojë zhvillimi i vranësirave me reshje shiu, të cilat do të përfshijnë më shumë zona, ndërsa të shtunën reshjet do të përqendrohen kryesisht në Bullgarinë Qendrore dhe Lindore. Në disa zona rajone do të jenë përkohësisht intensive dhe me sasi të konsiderueshme, të shoqëruara me bubullima. Ka edhe kushte për breshër. Era do të fryjë nga veriperëndimi dhe temperaturat do të ulen më tej; maksimalet të shtunën do të jenë ndërmjet 25 dhe 30°C.

Redaktoi: Ivo Ivanov

Përgatiti në shqip: Svetllana Dimitrova