Do të jetë ngrohtë, me diell dhe reshje lokale në lindje

Të martën temperaturat minimale do të jenë nga 14 deri në 19°C. Për Sofjen pritet të jenë 14°C. Gjatë ditës moti do të jetë me diell. Pas mesditës do të zhvillohet vranësirë grumbulluese, ndërsa mbi rajonet lindore dhe malore vranësirë grumbulluese dhe në disa vende atje do të ketë reshje shiu. Do të fryjë erë perëndimore me intensitet të dobët deri në mesatar, ndërsa në Bullgarinë Lindore – erë jugore. Temperaturat maksimale do të jenë nga 27 deri në 32°C. Në kryeqytet do të jenë rreth 27°C.

Përgjatë bregdetit të Detit të Zi moti do të jetë kryesisht me diell. Rreth dhe pas mesditës do të zhvillohet vranësirë grumbulluese, por vetëm në vende të veçanta përgjatë bregdetit verior do të bjerë shi i dobët. Para mesditës era do të jetë e dobët deri në mesatare nga lindje-juglindja. Temperaturat maksimale të ajrit do të jenë nga 27 deri në 29°C. Temperatura e ujit të detit do të jetë nga 24 deri në 26°C. Dallgëzimi i detit do të jetë 1–2 ballë.

Në zonat malore para mesditës moti do të jetë kryesisht me diell. Pas mesditës do të zhvillohet vranësirë grumbulluese dhe në disa vende do të ketë reshje të shkurtra shiu. Do të fryjë erë veriperëndimore me intensitet mesatar. Temperatura maksimale në 1200 metra mbi nivelin e detit do të jetë rreth 21°C, ndërsa në 2000 metra do të jetë rreth 13°C.

Të mërkurën do të mbizotërojë mot me diell, por gjatë orëve rreth dhe pas mesditës do të zhvillohet edhe vranësirë grumbulluese, kryesisht mbi rajonet malore dhe lindore. Në disa vende atje do të ketë reshje të shkurtra shiu, të shoqëruara me bubullima. Do të fryjë erë e dobët deri në mesatare nga veriperëndimi. Temperaturat do të mbeten pa ndryshime të ndjeshme.

Në Ballkan mbetet kryesisht me diell, me zhvillim të vranësirave grumbulluese, por vetëm në disa vende, kryesisht në zonat malore pas mesditës, do të ketë reshje të shkurtra shiu.

Në Athinë temperatura do të arrijë 33°C, në Beograd deri në 30°C, në Bukuresht priten 32°C, ndërsa për Stambollin parashikohen deri në 30°C.

Në Evropë, mbi Gadishullin Iberik, Francën dhe Gadishullin Apenin do të vazhdojë të mbizotërojë mot me diell dhe i nxehtë, ndërsa në zonat malore pas mesditës do të ketë reshje të shkurtra. Kryesisht me diell do të jetë edhe mbi Ishujt Britanikë, ndërsa vetëm mbi Skoci vranësirat do të jenë të dendura dhe do të ketë reshje shiu. Mbi pjesën tjetër, më të madhe të kontinentit, moti do të jetë me vranësira dhe në shumë vende me reshje. Me erë do të jetë në Gjermani, Danimarkë, jug të Norvegjisë, pjesën jugore të Detit Baltik, Poloni dhe Ukrainën Perëndimore. Reshje të konsiderueshme priten në jug të Lituanisë dhe në rajonet perëndimore të Bjellorusisë, si edhe në veri të Polonisë.

Në Romë temperatura do të arrijë deri në 32°C, në Madrid deri në 40°C. Në Paris deri në 37°C, ndërsa në Londër parashikohen deri në 30°C. Në Berlin do të jetë 23°C, ndërsa në Moskë gjithashtu priten rreth 20°C.

Në Toronto moti do të jetë me diell dhe temperatura do të arrijë deri në 26°C. Në Nju Jork moti do të jetë me vranësira dhe me shi, me temperatura deri në 22°C. Në Çikago do të jetë me diell dhe deri në 28°C. Në Los Anxhelos do të jetë me diell dhe temperatura do të arrijë deri në 30°C.

Redaktoi: Ivo Ivanov

Përgatiti në shqip: Sindi Nikollofski