Kursimet buxhetore i kalojnë takimet e nëpunësve shtetërorë në mjedisin digjital

Nëpunësit shtetërorë nuk do të organizojnë festa për Krishtlindje dhe Vitin e Ri, bankete të institucioneve, aktivitete sportive dhe grumbullime të tjera me karakter jozyrtar me para nga buxheti i shtetit. Këtë e parashikon një dispozitë në buxhetin për vitin 2026. Ndërpriten shpenzimet për aktivitete festive, argëtuese dhe sportive të punonjësve, të cilat nuk lidhen drejtpërdrejt me veprimtarinë e tyre zyrtare.

Dispozita vendos gjithashtu ndalim për zhvillimin e takimeve të punës, mbledhjeve operative, këshillimeve, seminareve dhe trajnimeve jashtë ndërtesave administrative.

Ndërpritet praktika që punonjësit të mblidhen për forume pune në hotele, qendra turistike ose salla të jashtme konferencash. Përjashtime do të ketë vetëm për ngjarje ndërkombëtare që burojnë nga angazhime dypalëshe ose shumëpalëshe, si edhe për veprimtari të lidhura me organizata ndërkombëtare.

Të gjitha takimet e tjera të brendshme dhe ndërinstitucionale do të duhet të zhvillohen online, në mjedis digjital, njofton 24chasa.bg.

Redaktoi: Ivo Ivanov

Përgatiti në shqip: Sindi Nikollofski