Nxënësit bullgarë fituan medalje në IPhO në Kolumbi

Nxënësit bullgarë fituan 5 medalje në Olimpiadën e 56-të Ndërkombëtare të Fizikës (IPhO), e cila u mbajt në Bucaramanga, Kolumbi. 

Konkurrenca ishte e fortë - morën pjesë 370 pjesëmarrës nga 87 vende. Olimpiada u zhvillua në dy raunde, ku raundi i parë paraqiti një problem eksperimental dhe raundi i dytë paraqiti tre probleme teorike. 

Medaljet e argjendta u fituan nga nxënësi i klasës së dhjetë Svetosllav Arabov nga Varna, nxënësi i klasës së dhjetë Jordan Petkov nga Kolegji Amerikan në Sofje, Aleksandër Nikollov nga klasa e 12-të dhe Mirosllav Draganov nga klasa e 10-të nga Burgasi. 

Medaljet e bronzta u fituan nga nxënësi i klasës së dymbëdhjetë Petër Popov nga Goce Dellçev. 

Ekipi kombëtar drejtohet nga Prof. Mirosllav Abrashev dhe Prof. i Asociuar Neno Todorov nga Fakulteti i Fizikës në Universitetin e Sofjes. 

Olimpiada Ndërkombëtare e Fizikës (IPhO) është gara më prestigjioze ndërkombëtare e fizikës për nxënës. Mbahet që nga viti 1967, dhe Bullgaria është ndër vendet themeluese dhe ka marrë pjesë në të gjitha edicionet e saj deri më tani, raporton BTA.

 

Redaktoi: Ivo Ivanov

Përgatiti në shqip: Vesella Mançeva