Konkursi për motorin më të zhurmshëm në takimin e motoristëve pranë Kotelit

Zona Sajganica, pranë fshatit Kipillovo në Bullgarinë Juglindore, vitet e fundit është afirmuar si një vend i preferuar për adhuruesit e motoçikletave në Bullgari.

Marshimi drejt Kalasë së Kipillovos (Hërsovgrad), e konsideruar si një nga fortesat romake më të ruajtura në Ballkan, është një nga pikat kryesore të programit të Takimit të Motoristëve "Kipillovo 2026", i cili është pjesë e kalendarit kulturor të Bashkisë së Kotelit. Programi përfshin koncerte, paradë motoçikletash, lojëra për motoristë, iniciativa turistike, aktivitete për fëmijë dhe atraksione për vizitorët.

Fillimi u dha me koncertin e grupit alternativ rock nga Shumeni LAMPA Inc. Në programin muzikor janë përfshirë gjithashtu grupi rock "Kontrol", Pavlin Manev's Hope dhe grupi serb i metalit Alogia.

Ndër pikat kryesore të programit të së shtunës ishin edhe një moto-xhiro në nder të Georgi Sava Rakovskit, si dhe konkurset për motorin më të bukur dhe motorin më të zhurmshëm. Takimi vazhdon deri më 19 korrik.

Përpiloi: Gergana Mançeva

Përgatiti në shqip: Sindi Nikollofski