Mbetet i konsiderueshëm fluksi i automjeteve të lehta drejt Turqisë

Kalimi në pikën kufitare “Kapitan Andreevo” në dalje drejt Turqisë për automjetet e lehta është i ngarkuar të enjten në mëngjes, njoftojnë nga Policia Kufitare. 

Qarkullimi është normal në të gjitha pikat dhe kalimet kufitare me Greqinë, Maqedoninë e Veriut, Serbinë dhe Rumaninë. 

Më 23 korrik, për shkak të riparimit emergjent të shtresës rrugore dhe largimit të bimësisë së tepërt, ndryshohet përkohësisht organizimi i trafikut në kilometrin e 10-të të autostradës “Trakia” në drejtim të Sofjes, njoftoi Agjencia e Infrastrukturës Rrugore. 

Punimet zhvillohen nga ora 06:30 deri në 12:30, ndërsa kufizohet qarkullimi në korsinë e parakalimit. Trafiku është zhvendosur në korsinë e zakonshme të lëvizjes. 

Drejtuesit e automjeteve duhet të lëvizin me kujdes të shtuar, duke respektuar në mënyrë rigoroze sinjalistikën e vendosur rrugore dhe kufizimin e shpejtësisë deri në 90 km/orë.

 

Redaktoi: Ivo Ivanov

Përgatiti në shqip: Vesella Mançeva