Presidentja e BQE i bëri thirrje Bullgarisë të ruajë financa të qëndrueshme

Angazhimi i Bullgarisë për të ruajtur financa publike të qëndrueshme është jashtëzakonisht i rëndësishëm. Këtë e deklaroi presidentja e Bankës Qendrore Evropiane (BQE), Christine Lagarde, në përgjigje të një pyetjeje të BTA-së gjatë një konference për shtyp pas mbledhjes dyditore për politikën monetare në Frankfurt mbi Main. 

“Në Bullgari vërehet një nivel i lartë çmimesh dhe inflacion i lartë. Kjo mund të jetë për shkak të faktit se disa çmime, të cilat ishin mbajtur të ngrira për një periudhë të caktuar kohe, tani kanë gjetur vendin e tyre në treg. Kjo nuk është diçka krejtësisht e pazakontë. Gjithmonë ka dallime midis shteteve anëtare”, komentoi Lagarde. 

Sipas saj, është e rëndësishme të sigurohet që inflacioni të kthehet në nivele më të pranueshme, veçanërisht për popullsinë bullgare. 

“Ne e monitorojmë eurozonën në tërësi, por i kushtojmë vëmendje edhe dallimeve, dhe kjo aktualisht është padyshim një prej tyre”, shtoi drejtuesja e BQE-së.

 

Redaktoi: Ivo Ivanov

Përgatiti në shqip: Vesella Mançeva