Parashikimi i motit për fundjavën

Të shtunën, temperaturat minimale do të jenë nga 9 deri në 17°C. Për Sofjen pritet të jenë rreth 9°C. Gjatë ditës, nga perëndimi, vranësirat do të vazhdojnë të shpërbëhen dhe të pakësohen, ndërsa në shumë zona moti do të jetë kryesisht me diell. Në orët e mëngjesit ende në disa vende, kryesisht në rajonet qendrore të vendit dhe në zonën e Rillës dhe Rodopëve, do të ketë reshje të dobëta shiu. Pasdite do të zhvillohen vranësira, por vetëm në disa zona, kryesisht në pjesët lindore dhe malore, do të ketë reshje të shkurtra shiu, ndërsa në disa vende do të shoqërohen edhe me bubullima. Moti do të mbetet me erë të moderuar, ndërsa në Bullgarinë Lindore përkohësisht të fortë nga veriu-veriperëndimi. Temperaturat maksimale do të jenë nga 24 deri në 29°C. Në kryeqytet do të jenë rreth 24°C. 

Në bregdetin e Detit të Zi, vranësirat do të jenë të ndryshueshme dhe shpesh të dendura. Do të ketë gjithashtu reshje të shkurtra shiu, në orët e mëngjesit kryesisht përgjatë bregdetit jugor, ndërsa pasdite në më shumë vende. Do të fryjë erë e moderuar dhe përkohësisht e fortë nga veriu. Temperaturat maksimale të ajrit do të jenë nga 24 deri në 27°C. Temperatura e ujit të detit është 24–25°C. Dallgëzimi i detit do të jetë 3 ballë në jug dhe deri në 4 ballë në zona të tjera. 

Në male, vranësirat do të jenë më shpesh të dendura. Në disa vende do të ketë reshje të shkurtra, të shoqëruara me bubullima në disa rajone. Do të fryjë erë e moderuar nga drejtimi verior. Temperatura maksimale në 1200 metra lartësi mbidetare do të jetë rreth 16°C, ndërsa në 2000 metra rreth 9°C. 

Të dielën, moti do të jetë kryesisht me diell, ndërsa pasdite mbi rajonet lindore dhe në male do të zhvillohen vranësira. Era do të dobësohet, në disa vende përkohësisht do të pushojë, ndërsa më vonë do të marrë drejtim jugor dhe temperaturat do të rriten.

 

Redaktoi: Ivo Ivanov

Përgatiti në shqip: Vesella Mançeva