U miratua kuadri i shpenzimeve shtetërore për buxhetin 2026

Parlamenti miratoi në lexim të dytë kuadrin e buxhetit të shtetit për vitin 2026, me të ardhurat, shpenzimet dhe transfertat e planifikuara, duke parashikuar një deficit prej 5,7%. Për vitin 2026 do të merret borxh i ri shtetëror deri në 10,1 miliardë euro. Paga minimale mbetet 620 euro. 

Pro votuan 125 deputetë nga grupi “Bullgaria Progresive”, ndërsa kundër votuan 84 deputetë nga grupet e tjera parlamentare – GERB-SDS, DPS, “Bullgaria Demokratike”, “Po e Vazhdojmë Ndryshimin” dhe “Vëzrazhdane”. Nuk pati asnjë abstenim, njofton BTA. 

U hodhën poshtë propozimet e opozitës për ndryshime në pjesën e të ardhurave dhe shpenzimeve të projektligjit për buxhetin e shtetit për këtë vit. 

Gjithashtu nuk u miratua propozimi i deputetit Angell Georgiev nga partia “Vëzrazhdane”, sipas të cilit 17 milionë euro të parashikuara në buxhetin e Ministrisë së Punëve të Jashtme për Ukrainën të ridrejtohen për komunitetet bullgare jashtë vendit.

 

Redaktoi: Ivo Ivanov

Përgatiti në shqip: Vesella Mançeva