Rritet çmimi i taksës rrugore për automjetet e lehta dhe furgonët e lehtë

Qeveria po rrit çmimet e vinjetave me 30%, duke filluar nga 1 gushti i këtij viti. Të ardhurat shtesë të pritshme janë mbi 22,5 milionë euro për këtë vit dhe mbi 54 milionë euro në vit në vitet e ardhshme, njofton shërbimi për shtyp i qeverisë.

Vinjeta vjetore për automjetet deri në 3,5 ton dhe makina kampingu do të kushtojë 64,50 euro, ajo tremujore do të jetë 35,90 euro, mujore 19,90 euro, javore 10 euro, vinjeta e fundjavës 6,60 euro, ndërsa ajo njëditore 5,30 euro. Gjithashtu theksohet se tarifat e vinjetave nuk janë rritur që nga viti 2019.

Qeveria sqaron se burimet shtesë të siguruara nga ndryshimi i tarifës do të investohen në riparime kapitale dhe rehabilitimin e rrugëve të klasës III.

 

Redaktoi: Ivo Ivanov

Përgatiti në shqip: Vesella Mançeva