Përfundimisht: Hiqet kufizimi për numrin e qendrave të votimit jashtë BE-së

Me ndryshimet në Kodin Zgjedhor, Kuvendi Popullor miratoi në lexim të dytë heqjen e kufizimit prej deri në 20 qendra votimi jashtë përfaqësive diplomatike dhe konsullore në shtetet që nuk janë pjesë e Bashkimit Evropian. Kjo u bë me votat e "Bullgarisë Progresive", DPS-së, "Bullgarisë Demokratike" dhe "Po e Vazhdojmë Ndryshimin". Kundër votuan GERB-SDS dhe "Vëzrazhdane".

Votimi plotësisht me makina do të zhvillohet në qendrat e votimit me mbi 300 votues, vendosën gjithashtu deputetët, njofton BTA.

Nuk u miratua propozimi i Petër Petrovit nga "Vëzrazhdane" për vendosjen e një kriteri arsimor, me minimumin e arsimit bazë të përfunduar, për anëtarët e komisioneve të votimit, raportoi BTA.

 

Redaktoi: Miglena Ivanova

Përgatiti në shqip: Vesella Mançeva