Klima e biznesit po përmirësohet, ndërsa inflacioni po ulet

Treguesi i përgjithshëm i klimës së biznesit në Bullgari u rrit në korrik me 0,7 pikë krahasuar me muajin e mëparshëm, duke arritur në 16,8%. Rritje e treguesit është regjistruar në industri dhe ndërtimtari, ndërsa në sektorin e shërbimeve është vërejtur rënie, sipas të dhënave të Institutit Kombëtar të Statistikave.

Problemet kryesore me të cilat përballet biznesi në vend mbeten mungesa e fuqisë punëtore dhe mjedisi ekonomik i pasigurt. Pjesa më e madhe e sipërmarrësve presin që çmimet e shitjes të mbeten të pandryshuara gjatë tre muajve të ardhshëm.

Treguesi i përbërë “klima e biznesit në industri” u rrit me 1,1 pikë, duke arritur në 17,2%. Në sektorin e ndërtimit, klima e biznesit u rrit me 4,5 pikë, në 15,6%. Në tregti, treguesi pothuajse mbeti në të njëjtin nivel si në qershor, duke kaluar nga 27,3% në 27,2%.

Në sektorin e shërbimeve, sipërmarrësit deklarojnë se klima e biznesit është përkeqësuar me 2,8 pikë, duke zbritur në 7%.

Inflacioni vjetor në Bullgari gjithashtu është ngadalësuar në 4,4% gjatë muajit korrik, sipas vlerësimit paraprak të shpejtë të Institutit Kombëtar të Statistikave. Kjo përfaqëson një ulje prej 1% krahasuar me muajin qershor.

 

Redaktoi: Ivo Ivanov

Përgatiti në shqip: Vesella Mançeva