MPJ: Teherani e ka shtyrë për 24 ditë një bisedë të kërkuar nga Sofja

Biseda me Ministrin e Punëve të Jashtme të Republikës Islamike të Iranit, Abbas Araghchi, ishte iniciuar nga pala bullgare, e cila kishte paraqitur propozimin për zhvillimin e saj që më 6 korrik. Për shkak të mospërputhjes së agjendave të dy ministrave, ajo u realizua më 30 korrik. Kështu njoftoi Ministria e Punëve të Jashtme për BTA-në, pas një kërkese për informacion lidhur me raportimin e televizionit shtetëror iranian IRIB, sipas të cilit brenda 24 orësh Bullgaria, Mbretëria e Bashkuar dhe Ukraina i kishin thënë Iranit se “nuk do të bëhen pjesë e luftës”. Sipas zëdhënësit të Ministrisë së Jashtme në Teheran, Esmaeil Baghaei, këto shtete i kishin ndërmarrë vetë kontaktet diplomatike me Iranin. 

Nga Ministria e Punëve të Jashtme sqarojnë se pas bisedës së zhvilluar më 30 korrik nuk është zhvilluar asnjë bisedë tjetër. Dialogu i drejtpërdrejtë është një instrument themelor i diplomacisë dhe kontribuon në ruajtjen e kanaleve të hapura të komunikimit. Kjo nuk duhet të interpretohet si diçka jashtë praktikës së zakonshme diplomatike, theksuan gjithashtu nga ministria.

 

Redaktoi: Ivo Ivanov

Përgatiti në shqip: Vesella Mançeva