Gjykata Kushtetuese pranoi për shqyrtim ankesat kundër Buxhetit 2026

Gjykata Kushtetuese pranoi për shqyrtim në themel çështjet e ngritura mbi bazën e tri ankesave – njëra nga GERB-SDS dhe dy nga "Po e vazhdojmë ndryshimin" – lidhur me pretendimet për antikushtetutshmëri të disa dispozitave të Ligjit për Buxhetin e Shtetit dhe Ligjit për Buxhetin e Sigurimeve Shoqërore Shtetërore për vitin 2026. Kjo bëhet e ditur në një njoftim të gjykatës, ku theksohet se vendimet u miratuan njëzëri, raportoi BTA.

Sipas palëve ankuese, një pjesë e teksteve ligjore shkelin parimin e shtetit të së drejtës, garantimin e të drejtave sociale të qytetarëve, si dhe parimet e stabilitetit financiar dhe ligjshmërisë. Ato theksojnë se deficiti buxhetor i parashikuar prej 5,7% të PBB-së bie ndesh me Ligjin për Financat Publike, i cili nuk lejon një devijim të tillë në mungesë të rrethanave të jashtëzakonshme të parashikuara në të.

Redaktoi: Miglena Ivanova

Përgatiti në shqip: Svetllana Dimitrova