Qarkullimi në pikat kufitare të Bullgarisë është normal

Qarkullimi në të gjitha pikat kufitare të Bullgarisë me vendet fqinje vijon normalisht, njofton Policia Kufitare.

Për shkak të temperaturave të larta që priten deri më 6 gusht, nga ora 13:00 deri në 21:00 ndalohet qarkullimi i mjeteve të rënda mbi 20 ton në rrugën Vidin–Vraca dhe në autostradat "Trakia", "Marica", "Hemus", "Struma" dhe "Evropa".

Deri më 7 gusht do të kryhen punime pastrimi në nyjën rrugore "Daskallovo", në autostradën "Struma", pranë Pernikut. Punimet do të zhvillohen çdo natë, nga ora 21:00 deri në orën 04:00, dhe lëvizja do të kufizohet me faza në korsitë e autostradës, si edhe në degëzimet e nyjës rrugore.

Ndërkohë, deri në orën 13:00 të datës 5 gusht, organizimi i qarkullimit do të ndryshojë përkohësisht në një segment të autostradës "Trakia", në rajonet e Sofjes dhe Burgasit, për shkak të pastrimit të bimësisë anës rrugës. Trafiku do të devijohet në korsinë aktive.

Redaktoi: Ivo Ivanov

Përgatiti në shqip: Svetllana Dimitrova