Një institut i ri në Bullgari do të zbulojë sekretet e Ballkanit mesjetar

Këshilli i Ministrave miratoi krijimin e Institutit “Qendra për Studime Sllavo-Bizantine ‘Prof. Ivan Dujçev’” si njësi në strukturën e Universitetit të Sofjes “Shën Kliment Ohridski”. 

Në institut do të zhvillohen kërkime shkencore mbi trashëgiminë kulturore mesjetare të Ballkanit, duke përfshirë historinë, arkeologjinë, letërsinë, artin, traditat kulturore sllavo-bizantine dhe kujtesën historike të komuniteteve ballkanike. 

Instituti nuk do të merret vetëm me kërkime shkencore, por edhe me veprimtari ekspertize për identifikimin, ruajtjen dhe promovimin e trashëgimisë kulturore të Bullgarisë. 

Në punën e tij do të përdoren teknologji moderne digjitale për studimin e trashëgimisë kulturore sllavo-bizantine.

 

Redaktoi: Miglena Ivanova

Përgatiti në shqip: Vesella Mançeva