Eklipsi i plotë i 12 gushtit do të shihet në Bullgari si i pjesshëm

Fenomeni më interesant astronomik i këtij viti – eklipsi i plotë diellor i 12 gushtit – do të shihet edhe nga pjesët më veriperëndimore të Bullgarisë si eklips i pjesshëm diellor, me fazë të vogël. Këtë e tha Penço Markishki, fizikan në Institutin e Astronomisë pranë Observatorit Kombëtar Astronomik të Akademisë Bullgare të Shkencave dhe në Departamentin e Astronomisë të Fakultetit të Fizikës të Universitetit të Sofjes “Shën Kliment Ohridski”, siç njofton instituti në faqen e tij në Facebook.

Në Vidin, fenomeni do të fillojë në orën 20:27, kur Dielli do të jetë vetëm 1 gradë mbi horizontin perëndimor. Ai do të jetë i dukshëm për një kohë të shkurtër – deri në perëndimin e Diellit, në orën 20:37.

 

Redaktoi: Miglena Ivanova

Përgatiti në shqip: Svetllana Dimitrova