Mbi 1/3 e të rinjve në Bullgari punojnë, 14% as nuk studiojnë dhe as nuk punojnë

Të rinjtë e moshës 15-29 vjeç në Bullgari janë 897.968 persona, që përbëjnë 14% të popullsisë së përgjithshme të vendit. Një e treta e tyre janë të punësuar, tregojnë të dhënat e Institutit Kombëtar të Statistikave për vitin 2025, të publikuara me rastin e 12 gushtit, Ditës Ndërkombëtare të Rinisë. Shkalla e punësimit te të rinjtë është 34,3%. 

Përqindja e të rinjve në Bullgari që as nuk studiojnë dhe as nuk punojnë mbetet e lartë në krahasim me vendet e Bashkimit Evropian, sipas të dhënave më të fundit të Eurostatit. 

Në vitin 2025, Bullgaria renditet mes tre vendeve të BE-së me përqindjen më të lartë të personave të moshës 15-29 vjeç pa angazhim në arsim ose punë, me 13,8%. Krahas saj janë Greqia me 13,6% dhe Rumania me 19,2%. 

Përqindja më e ulët e të rinjve që nuk studiojnë dhe nuk punojnë është regjistruar në Holandë, ku kjo kategori përbën vetëm 5,3% të të rinjve.

 

Redaktoi: Ivo Ivanov

Përgatiti në shqip: Vesella Mançeva